Die Seelter Buund hät n näi Eren-Lid. Margot Tameling kreeg disse Erentitel Tuunsdai appe Jier-Fergoaderenge. Antonius Kanne, die inne Fergoaderenge ju Foarsitter-Rulle hiede, roate hier ne froaie Uurkunde. Margot is sänt 1995 Lid bie dän Seelter Buund un ju sit al 25 Jiere in n Foarstand. Fon 1998 bit 2015 hät ju Seeltersk in n Bäidenstuun unnergjuchted und ju hät uk aaltied n Masse Seken foar dän Seelter Buund mee organisierd, so as ’t Snidje-Ieten.
Deer wieren uk Erengen foar Ljude, do al aiske loange bie dän Seelter Buund sunt. Paula Klären un Michael Schulze-Althoff sunt 25 Jier Lid. Alfons Heese, Reinhold Kurre, Rosi Latzel, Hermann Heese un Georg Pahl sunt al 40 Jier fonne Partei. Kalle Schramm sit 25 Jier in n Foarstand.
Et stuud uk inne Saitenge: [hier klikke].
Bielde: Jonny Passmann
Comments are closed